දේශපාලන විද්‍යාව විෂයය අධ්‍යයනය කිරීමේ දී සැලකිලිමත් වන්නේ:

• A. දේශපාලන සමාජ මුහුණ දෙන දේශපාලන ගැටලු පිළිබඳ ව
• B. එම දේශපාලන ගැටලූ කළමනාකරණය කිරීම සඳහා යොදාගත හැකි මෙවලම් පිළිබඳව
• C. මිනිසුන් දේශපාලනය සමඟ සම්බන්ධ වීම කෙරෙහි බලපාන සාධක පිළිබඳ ව
• D. ලෞකික ජීවිතයෙන් මිදීම සඳහා මිනිසුන්ට පිහිට වන වඩාත් ම සුදුසු රාජ්‍ය පාලන ක්‍රමය පිළිබඳ ව
• E. ඉහත සඳහන් A,B හා C සම්බන්ධයෙන් අදාළ වන රාජ්‍ය පාලන ක්‍රමය පිළිබඳ ව

දේශපාලනය:

• A. ආණ්ඩුවේ සහ රාජ්‍යයේ වැඩ කටයුතු හා සම්බන්ධ ක්‍රියාදාමය පිළිබඳ කලාවකි.
• B. හොඳ හා නරක අතර වෙනස්කම් ඉගෙන ගැනීම හා බැඳුණු පොදු ක්‍රියාවකි.
• C. එකඟතාව හා සාකච්ඡා කිරීම යන මාර්ග හරහා ගැටුම් විසඳා ගැනීමේ විශේෂිත වූ ක්‍රමවේදයකි.
• D. පොදු සම්පත් ප්‍රයෝජනයට ගැනීම හා බෙදා හැරීම හා සම්බන්ධ ක්‍රියාදාමයකි.
• E. මාර්ගය කුමක් වුවද අපේක්ෂිත ඉලක්ක ඉටු කර ගැනීමේ බල අරගලයකි.

චර්යාවාදය:

• A. විසිවන සියවසේ මුල් කාලය තුළ දී නව මාක්ස්වාදීන් විසින් අධ්‍යයන ව්‍යාපාරයක් ලෙස ආරම්භ කෙරිණි.
• B. පුද්ගලයින්ගේ සහ පුද්ගල කණ්ඩායම්වල දේශපාලන හැසිර්ම නිරීක්ෂණය කිරීම හා විශ්ලේෂණය කිරීම හා සම්බන්ධ අධ්‍යයනයන් පිළිබඳව අවධානය යොමු කරයි.
• C. විධිමත් හා නිරවද්‍ය විධික්‍රම අධ්‍යයන කාර්යයේ දී භාවිත කරනු ලැබේ.
• D. මිනිසුන්ගේ දේශපාලන චර්යා රටාවන්ට අදාළ පැවතුම් ක්‍රම ගොඩනැගීමට උත්සාහ කරනු ලැබේ.
• E. මිනිසුන්ගේ දේශපාලන චර්යා රටාවන් පිළිබඳ ව නියති ගොඩනැගීමට උත්සාහ දරනු ලැබේ.

දේශපාලන විද්‍යාව අධ්‍යයනය කිරීම සඳහා වන සමාජ විද්‍යාත්මක ප්‍රවේශය මගින් අවධානය යොමු කරනු ලබන අධ්‍යයන කරුණු වන්නේ:

• A. දේශපාලනය හා සමාජය අතර පවතින සම්බන්ධතාව ය.
• B. දේශපාලන හා සමාජ සංවිධාන අතර පවතින සම්බන්ධතාව ය.
• C. රාජ්‍ය හා රාජ්‍ය නොවන සංවිධාන අතර පවතින සම්බන්ධතාව ය.
• D. බලය, අධිකාරී බලය හා සුජාතභාවය අතර පවතින සම්බන්ධතාව ය.
• E. සමාජ චර්යාව හා දේශපාලන චර්යාව අතර පවතින සම්බන්ධතාව ය.

ජාතික රාජ්‍ය ක්‍රමයේ ප්‍රධාන අංග ලක්ෂණය වන්නේ:

• A. නීත්‍යානුකූල පදනම මත අධිකාරී බලය යොදවමින් නියෝග බලාත්මක කිර්මට ඇති හැකියාව
• B. උත්තරීතර හා අසහාය බලයේ ඒකාධිකාරී හිමිකම
• C. දෛනික වැඩකටයුතු කරගෙන යාම සඳහා භාවිතයට ගැනෙන පරිපාලන යාන්ත්‍රණය
• D. පැවරී ඇති වැඩකටයුතු මුදාහැරලීම සඳහා ලිබරල් ප්‍රජාතන්ත්‍රවාදී ආණ්ඩුක්‍රමය පමණක් භාවිතයට ගැනීම.
• E. නීතිය, සාමය හා ආරක්ෂාව පවත්වාගෙන යාම සඳහා පොලීසිය හා සන්නද්ධ හමුදා පවත්වාගෙන යාම.

ආණ්ඩුව:

• A. ජාතික මට්ටමෙන් නීතිය හා පාලනය ක්‍රියාවට නැංවීම සඳහා යොදා ගැනෙන නිල ආයතනික යාන්ත්‍රණය
• B. දේශපාලන හා පරිපාලන ආයතන පද්ධතියකින් යුත් දෙයක් වීම.
• C. සාමූහික තීරණ ගැනීම හා ක්‍රියාවට නැංවීම හරහා සමාජය පාලනය කිරීමේ බලය භුක්ති විඳින ආයතනය වීම.
• D. බලධාරී නීති ක්‍රියාවට නැංවීමේ අවශ්‍යතාව පැන නගින ඕනෑම අවස්ථාවක හා ඕනෑම ස්ථානයක පැවැත්ම සහිත දෙයක් වීම.
• E. සමාජ යහපත වර්ධනය කිරීම උදෙසා අවශ්‍ය ම දෙයක් ලෙස අනධිකාරීවාදීන් විසින් ද පිළිගත් දෙයක් වීම.

ධනවාදී ආර්ථික ක්‍රමයක ප්‍රධාන ලක්ෂණ වන්නේ:

• A. වෙළඳ පොළ ඉලක්ක කරගෙන භාණ්ඩ හා සේවාවන් නිපදවීම.
• B. නිෂ්පාදන ප්‍රාග්ධනය මුළුමනින් ම පෞද්ගලික හස්තයන් දැරීම.
• C. ඉල්ලුම හා සැපයුම යන පෞද්ගලික නොවන වෙළෙඳපොළ බලවේගවලට අනුකූලව ආර්ථික ජීවිතය සංවිධානය වීම.
• D. ආණ්ඩුව ආර්ථික ක්‍රියාවලියට මැදිහත් වීමෙන් පූර්ණ ලෙස වැළකී සිටීම.
• E. ස්වයං භෞතික ආශාවන් හා ලාභ උපරිමනය ව්‍යවසායකත්වයේ සහ මහන්සි වී වැඩ කිරීමේ ගාමක බලවේග වීම.

අවම රාජ්‍ය ක්‍රමයේ ප්‍රධාන ලක්ෂණ වන්නේ:

• A. පුරවැසියන්ට තමන් හොඳයැයි සිතන ආකාරයේ පෞද්ගලික ජීවිතයක් ගත කිරීමට අවශ්‍ය සමාජ පරිසරය පවත්වාගෙන යාම.
• B. පෞද්ගලික දේපල ක්‍රමය හේතුවෙන් පැන නැගී ඇති සමාජ අසාධාරණත්වය තුරන් කිරීම සඳහා ක්‍රියා කිරීම.
• C. ආර්ථික හා සමාජ කාර්යයන් මුළුමනින්ම පුද්ගලයින්ට හෝ පෞද්ගලික ව්‍යාපාරවලට අත්හැරීම.
• D. රාත්‍රී මුරකරුවකුගේ තත්ත්වයට රාජ්‍යයේ භූමිකාව අවම කිරීම.
• E. අභ්‍යන්තර අස්ථාවරභාවයෙන් හා බාහිර තර්ජනවලින් ජනතාව ආරක්ෂා කිරීම.

සමාජවාදයේ මූලික ලක්ෂණ වන්නේ:

• A. ධනවාදයට ප්‍රතිවිරුද්ධ දේශපාලන මතවාදයක් වීම.
• B. ධනවාදයෙන් මතුකර ඇති මානව හා සමාජ ප්‍රශ්නවලට මානව දයාව වඩාත් පදනම් කරගත් විකල්ප සැපයීම.
• C. තරඟකාරීත්වය වෙනුවට සහයෝගීතාවට ප්‍රමුඛත්වය දීම.
• D. පෞද්ගලිකවාදය වෙනුවට සාමූහිකවාදය අගය කිරීම.
• E. සීමිත විවෘත වෙළෙඳපොළ ක්‍රමයක පැවැත්ම පිළිගැනීම.